“Rusiya xüsusi xidmət orqanları – polis və FTX “Telegram”, “Signal” və “WhatsApp” messencerlərinin istifadəçilərinin nə vaxt, harada və kimlərlə əlaqə saxladığını öyrənə bilir.
Azpost.info xəbər verir ki, bu barədə “The New York Times” Rusiya texnologiya təchizatçılarının sənədlərinə istinadən yazıb.
Nəşrin mənbələri deyir ki, Rusiya hökuməti bu sahədə Çin və İranı geridə qoymağa başlayıb.
Messencerlərin nümayəndələri nəşrə bildiriblər ki, onların bu cür müşahidələrdən qorunmaq üçün kifayət qədər vəsaitləri yoxdur. Onlar istifadəçiləri trafiki izləməyi çətinləşdirmək üçün şifrələmədən istifadə etməyə çağırıblar.
Bununla yanaşı, qəzet qeyd edir ki, messencerlərdə mesajların özlərini oxumaq hələ də mümkün deyil.
Azpost.info
