Tümen Vilayət Məhkəməsi iki Azərbaycan vətəndaşını adam öldürməkdə təqsirli bilib.
AzPost bu barədə Tümen məhkəmə sisteminin birləşmiş mətbuat xidmətinin press-relizində deyilir.
Nəsimi Paşa oğlu Əmiraslanov və Bəhruz Rəhim oğlu Nəbiyev bir qrup şəxs tərəfindən adam öldürməkdə təqsirli bilib,
Nəsimi Əmiraslanov 15 il, Bəhruz Həbiyev isə 16 il azadlıqdan məhrum edilib. Həmin şəxslər cəzalarını ciddi rejimli cəzaçəkmə müəssisəsində çəkəcəklər.
Hər iki şəxs Rusiya hüdudlarından kənarda olduğu üçün qiyabi cəzaya məhkum olunublar. Həbs müddəti məhkumların Rusiyanın hüquq-mühafizə orqanlarına təhvil verildiyi və ya Rusiya ərazisinə deportasiya edildiyi gündən hesablanacaq.
Məhkəmə zərərçəkmişin iddialarını qismən təmin edərək, Əmiraslanovdan 1.000.000 rubl, Nəbiyevdən isə 1.500.000 rubl tələb edib.
Cinayət işinin məhkəməsi Rusiya Federasiyasının hüdudlarından kənarda olan və Azərbaycan Respublikasının vətəndaşı olan təqsirləndirilən şəxslərin iştirakı olmadan aparılıb. Onların bu cinayət işinə görə xarici ölkədə məsuliyyətə cəlb olunması barədə məlumat yoxdur.
Müttəhimlər elan edilib və hazırda federal (dövlətlərarası) axtarışdadırlar.
Məhkəmə müəyyən edib ki, 29 may 2014-cü il tarixdə saat 23:00 radələrində Tümen şəhərindəki “Bakı” kafesində əlbəyaxa dava zamanı münaqişə iştirakçılarından biri bıçaqlanaraq 2 saylı xəstəxanaya aparılıb. Həmin şəxs təcili yardım otağında ölüb.
Bir müddət sonra təcili tibbi yardım maşını qarşıdurmanın qarşı tərəfindən daha bir dava iştirakçısını həmin xəstəxanaya gətirib.
Həmin yaralını görən Əmiraslanov və Nəbiyev yoldaşlarının ölümündə onun günahkar olduğunu zənn edərək zorakılıq tətbiq edib, onu tibbi arabadan döşəməyə atıb, təpiklə vurub, skamya ilə başına və bədəninə vurublar.
İttaham görə, Nəbiyev bıçaq üçün maşına tərəf gedib. Təqsirləndirilən şəxslər birgə bıçaqla silahlanıb, qurbanlarının boyun və döş nahiyəsinə bir neçə zərbə vurublar. Zərərçəkmiş xəstəxanada dünyasını dəyişib.
