Rusiyada həbsdə olan müxalifət lideri Aleksey Navalnıya dəstək aksiyaları keçirilir.
Azpost.info bildirir ki, aksiyalar Uzaq Şərqdən və Sibirdən başlayıb. Moskvada aksiyanın indilərdə başlanacağı gözlənilir. Bununla bağlı Moskvada səhər tezdən piyadaların Qızıl Meydana yolu bağlanıb. Həmçinin mərkəzi küçələr, bir sıra metro stansiyaları, avtobus marşrutları dəyişdirilib.
Şəhərin mərkəzi alınmaz qalaya çevrilib. Hər yerdə polislər, maşınlar durur.
“OVD-İnfo” hüquq müdafiə təşkilatının məlumatına görə, ölkə üzrə artıq 250 nəfər həbs olunub. Onların əksəriyyəti Vladivastok və Krasnoyarskdadır. Moskvada da artıq ilk saxlamalar başlanıb.
