Rusiya Federasiyasının İrkutsk vilayətində Markiv neft-qaz yatağında güclü partlayış baş verib.
Bu barədə Rusiya KİV-ləri xəbər yayıb.
Məlumata görə, partlayışdan sonra Ust-Kut rayonunda Markovskoye yatağında təbii qazın kompleks hazırlanması üçün texnoloji avadanlıq yanır.
Bildirilir ki, yanğın təxminən 400 kvadratmetr ərazini əhatə edib.
Hadisə şahidləri yanğın yerindən videoları çoxsaylı “Telegram” kanallarında və “YouTube”da yayımlayıb.
FHN yanğının lokallaşdırıldığını bildirib. Həlak olanlar yoxdur. Beş nəfər xəsarət alıb. Yaşayış məntəqələri üçün təhlükə yoxdur.
