Rusiya Federal Təhlükəsizlik Xidməti Avropadan ölkəyə partlayıcı və elektrik detonatorlarının ötürülməsinin qarşısını alıb.
Azpost.info xəbər verir ki, bu barədə TASS məlumat yayıb.
Məlumata görə, komponentlər terror hücumları həyata keçirmək üçün nəzərdə tutulubmuş.
“Federal Təhlükəsizlik Xidməti Sankt-Peterburq ərazisində silsilə terror aktları törətmək məqsədilə Rusiyaya partlayıcı maddələrin və elektrik detonatorlarının çatdırılması kanalını müəyyən edib və dayandırıb. Komponentlər İtaliya və Almaniyadan bağlamalarla mərhələli şəkildə daşınırdı. Onlar avtomobil hissələrinin boşluqlarında gizlədilib. Terror aktlarının təşkilatçılarını və ortaqlarını müəyyən etmək üçün Avropa kəşfiyyat xidmətlərinə müraciət edilib”, – məlumatda deyilir.
İş üzrə partlayıcı maddələrin qaçaqmalçılığı ittihamı üzrə cinayət işi başladılıb.
Azpost.info
