“İranın hazırda Rusiyadan S-400 zenit-raket komplekslərini almağa ehtiyac yoxdur”.
Azpost.info xəbər verir ki, bunu İran Silahlı Qüvvələrinin müdafiə və maddi-texniki təchizat naziri Məhəmməd Rza Aştiyani deyib.
Onun sözlərinə görə, İran lazımi müdafiə silahları ehtiyatına sahibdir.
“Müdafiə silahları ilə özümüzü təmin edə bilirik. Rusiya – münasibətlərimizi yüksək səviyyədə saxladığımız ölkələrdən biridir. Amma İranın hazırda Rusiyadan S-400 zenit-raket komplekslərini almağa ehtiyac yoxdur. Ehtiyac yarananda bunu edəcəyik”, – nazir qeyd edib.
Ötən həftə “Bloomberg” İsrail və ABŞ-dakı mənbələrə istinadən yazmışdı ki, İran Rusiyadan S-400-lərialmağa çalışır. İsrail isə bunu Tehranın nüvə obyektlərinə potensial zərbələr üçün maneə kimi qiymətləndirir.
Azpost.info
