Ötən bazar günü Kolumbiyanın Tunca şəhərində mer seçkilərində Rusiyanın Saratov vilayətindən olan 45 yaşlı Mixail Krasnov böyük qələbə qazanıb.
Azpost.info bildirir ki, 27 mindən çox seçici ona səs verib. Krasnovun ən yaxın rəqibi isə cəmi 19 minə yaxın səs toplayıb.
Ümumilikdə, səsverməyə gələn şəhər əhalisinin demək olar ki, üçdə biri rusdilli merə səs verib.
Krasnov 15 il əvvəl Kolumbiyaya tələbə mübadiləsi proqramı ilə gəlib. Onun Rusiyada müxtəlif sahələr üzrə bir neçə magistr dərəcəsi, habelə iqtisadi sosiologiya və demoqrafiya üzrə elmi dərəcəsi var.
Krasnov mer postuna “Sülhün Gücü” partiyası (La Fuerza de la Paz) tərəfindən irəli sürülüb. Onun seçki proqramının əsas məqamı korrupsiyaya qarşı mübarizə olub.
Azpost.info
