Rusiyalı milyarder Dmitri Pumpyanskinin Cəbəllütariq hökuməti tərəfindən həbs edilən 75 milyon dollarlıq “Axioma” yaxtası hərracda satılacaq.
Azpost.info xəbər verir ki, bu barədə “İnsider” Britaniyanın Xarici Ərazi Məhkəməsinin qərarına istinadən yazıb. Nəşrin məlumatına görə, yaxtanın satılması qərarı yüksək istismar və texniki xidmət xərcləri ilə bağlıdır ki, bu da yaxtanın dəyərinin 10-15 faizi deməkdir.
72 metrlik “Axioma” yaxtasının saxlanılması barədə martın 22-də “Reuters” xəbər vermişdi. Agentliyin məlumatına görə, superyaxta martın 21-də Cəbəllütariqdə Malta bayrağı altında dayanıb və Qərbin Pumpyanskiyə qarşı sanksiyaları səbəbindən gecikib.
“Forbes” Dmitri Pumpyanskinin sərvətinin 2,4 milyard dollar olduğunu yazıb.
Azpost.info
