“Bu haker hücumu informasiya müharibəsinin təzahürüdür və məqsədi Rusiyanı MDB-dən olan dostlarla küsdürməkdir”.
Azpost.info xəbər verir ki, Rusiya Təhlükəsizlik Şurası sədrinin müavini avqustun 2-də “VKontakte” sosial şəbəkəsindəki səhifəsinin sındırılmasını belə şərh edib.
Medvedevin səhifəsində Ukraynada hərbi münaqişə başa çatdıqdan sonra Rusiyanın tarixi sərhədlərini bərpa edəcəyi ilə bağlı yazı dərc olunmuşdu. Söhbət, xüsusən də Gürcüstan və Qazaxıstanın Rusiyaya birləşdirilməsindən gedirdi.
Medvedevin fikrincə, çoxlu sayda düşmən ölkə və siyasətçi var ki, onlar Rusiyanı KTMT, Aİİ və ya ŞƏT-dəki müttəfiqlərə üz-üzə qoymağa çalışır: “Bu işin sadə üsulları da göz qabağındadır – tanınmış şəxsin adından qonşular haqqında sərt və ya həssas nəsə yazmaq, tarixi süjetlərdə oynamaq. Biz onlara bu zövqü yaşatmayacağıq”.
Azpost.info
