Xüsusi hərbi əməliyyat başlayandan Rusiyanın bank sektorunun aktivlərinin 80 faizi, o cümlədən 10 ən böyük kredit təşkilatı ABŞ sanksiyaları altındadır.
Azpost.info xəbər verir ki, bu barədə ABŞ Maliyyə Nazirliyinin hesabatında bildirilir.
Hesabata əsasən, 2400 fiziki və hüquqi şəxsə, 115 gəmiyə və 19 təyyarəyə məhdudiyyət qoyulub. Dövlət Dumasının 450 üzvü, Federasiya Şurasının 170 üzvü, 47 Rusiya qubernatoru, prezident Vladimir Putin və digər yüksək vəzifəli məmurların hamısı sanksiyalara məruz qalıb.
ABŞ Maliyyə Nazirliyi və Dövlət Departamenti Rusiyaya sanksiyalardan yayınmağa kömək edən 200-dən çox şəxsi qara siyahıya salıb.
Maliyyə Nazirliyi bildirir ki, sanksiyalara görə 1000-dən çox xarici şirkət Rusiyada fəaliyyətini dayandırıb.
Azpost.info
