Ukrayna dinc sakinlərin ölümünə və yaralanmasına səbəb olan bugünkü kütləvi hucuma görə, Rusiyaya qarşı cavab tədbirləri hazırlayır.
Azpost.info bildirir ki, bu barədə müdafiə naziri Rüstəm Umerov Facebook səhifəsində məlumat verib.
“Bu gecə Rusiya şəhərlərimizi yenidən vurdu. Dinc sakinlər yaralanıb, evlər dağılıb, kritik infrastruktura ziyan dəyib”, – deyə ukraynalı nazir qeyd edib.
Umerovun sözlərinə görə, bu bir daha sübut edir ki, qalib gəlmək üçün bizə uzaq məsafəli imkanlar və düşmənin hərbi obyektlərinə zərbələr endirməkdə məhdudiyyətlərin aradan qaldırılması lazımdır.
“Ukrayna öz cavabını hazırlayır. Öz istehsalımız olan silahlarla”, – deyə Müdafiə Nazirliyinin rəhbəri vurğulayıb.
Avqustun 26-na keçən gecə ruslar “Şahed” tipli pilotsuz təyyarələrlə Ukrayna ərazisinə hücum edib, səhər isə raketlərdən istifadə ediblər. Ukraynanın müxtəlif bölgələrində partlayış səsləri eşidilib, ölən və yaralananlar var.
Prezident Vladimir Zelenski bəyan edib ki, Rusiyanın Ukrayna ərazisinə bugünkü zərbəsi ən böyük zərbələrdən biridir. O qeyd edib ki, Rusiyanın zərbəsi nəticəsində enerji sektorunda xeyli ziyan dəyib.
