Kabildə partlayış nəticəsində Rusiya səfirliyinin iki əməkdaşı həlak olub.
Azpost.info xəbər verir ki, bu barədə Rusiya Xarici İşlər Nazirliyi məlumat yayıb.
“Rusiyanın Kabildəki səfirliyinin konsulluq bölməsinin girişinin yaxınlığında naməlum yaraqlı partlayıcı qurğunu işə salıb. Hücum nəticəsində diplomatik missiyanın iki əməkdaşı həlak olub. Ölənlər arasında Əfqanıstan vətəndaşları da var”, – nazirlik bildirib.
Xarici İşlər Nazirliyindəki mənbə “İzvestiya”ya bildirib ki, hadisədə səfirliyin ikinci katibi Mixail Şax vəfat edib. Partlayış zamanı xəsarət alan mühafizəçi xəstəxanada dünyasını dəyişib.
“Əl-Cəzirə” Əfqanıstan təhlükəsizlik xidmətindəki mənbəyə istinadən 8 nəfərin öldüyü, 15 nəfərin yaralandığı barədə məlumat yayıb.
Azpost.info
