Vaşinqton Moskva ilə Ukraynadakı münaqişənin nizamlanması üzrə danışıqları davam etdirir.
AzPost Associated Press -ə istinadən bildirir ki, bu barədə ABŞ prezidenti Donald Tramp bildirib.
Bununla yanaşı Tramp qeyd edib ki, Rusiya Silahlı Qüvvələrinin Ukraynanı bombalamasını bəyənmir: “Biz Rusiya ilə danışırıq, bunun dayandırılmasını istərdik. Bu bombardmanlar xoşuma gəlmir. Bombalamalar davam edir” – deyən Tramp Air Force One təyyarəsində jurnalistlərə bildirib.
O, münaqişədə ağır itkilərə işarə edib və bir daha bəyan edib ki, o, əvvəllər prezident olsaydı, münaqişə başlamazdı.
