Co Bayden administrasiyası Rusiyaya qarşı sanksiyaların və ixrac nəzarətinin pozulmasını araşdıran federal prokurorların ştatını genişləndirir.
Azpost.info xəbər verir ki, bu barədə “The Wall Street Journal” ABŞ baş prokurorunun köməkçisi Mett Olsenə istinadən yazıb.
Olsen qeyd edib ki, Ədliyyə Nazirliyi əks-kəşfiyyat və ixraca nəzarət departamentinə daha 25 prokuror işə qəbul edib.
Onun sözlərinə görə, prokurorlar şirkətlərlə Rusiyanın sanksiyalar və ixraca nəzarətdən yayınmalarını araşdıracaq. Qanun pozuntularına yol verən şirkətlərə cinayət işi açılacaq.
Qeyd olunur ki, Ukraynaya qarşı genişmiqyaslı təcavüz başlayandan sonra ABŞ və onun Qərb müttəfiqləri Rusiyaya qarşı bir sıra beynəlxalq ticarət və maliyyə məhdudiyyətləri tətbiq ediblər. Moskva sanksiyalardan yan keçmək üçün İran, Çin və Türkiyədən dövlət və özəl şirkətləri cəlb edib.
Qərb hesab edir ki, Rusiya öz müdafiə sənayesi üçün vacib olan kompüter çiplərini və radar avadanlığını məhz belə idxal etməyə davam edir.
Bayden administrasiyası şirkətləri sanksiyalar və ixrac nəzarətini pozmağın hüquqi riskləri barədə xəbərdar etmək məqsədilə özəl sektor üçün tövsiyələr toplusu da yayımlayıb.
Azpost.info
