Ruslar Estoniyadakı evlərinə gedə bilmirlər- Tallin daha sərt qadağalara hazırlaşır

Estoniya hökumətinin tətbiq etdiyi viza qadağası səbəbindən təxminən 4500 rusun öz mülklərinə çıxış imkanı məhdudlaşıb.

Azpost.info xəbər verir ki, bu barədə ERR portalı məlumat yayıb.

Məlumatda qeyd olunur ki, Estoniyada Rusiya vətəndaşlarına məxsus 41 351 daşınmaz əmlak var. Ölkədə daşınmaz əmlaka sahib olan rusların əksəriyyətinin orada yaşamaq icazəsi var. Sözügedən 4,5 min Rusiya vətəndaşının isə Estoniyaya səfəri üçün viza lazımdır.

Oxşar problem Estoniyada daşınmaz əmlaka sahib olan 919 Belarus vətəndaşı üçün də yaranıb.

Estoniya Daxili İşlər Nazirliyinin rəsmisi Veyko Kommusaar bildirib ki, rusların belə böyük həcmdə daşınmaz əmlaka sahib olması ölkənin təhlükəsizliyini təhdid edir. Onun sözlərinə görə, “həssas bölgələr” sərhəd zonaları və kritik infrastruktura yaxın əraziləri əhatə edir.

Kommusaar hesab edir ki, ölkə Avropa İttifaqından kənar ölkələrin vətəndaşları üçün Estoniyada daşınmaz əmlaka sahib olmaq imkanlarını məhdudlaşdırmalıdır. O, idarənin artıq müvafiq qanun layihəsi hazırladığını açıqlayıb, lakin təfərrüatları açıqlamayıb.

Estoniya mart ayından etibarən Rusiya vətəndaşlarına turist vizalarının verilməsini dayandırıb. Avqustun 18-dən isə Şengen vizası ilə gələn Rusiya vətəndaşları üçün sərhədi bağlayıb. Estoniya Xarici İşlər Nazirliyi hesab edir ki, üçüncü ölkələr tərəfindən verilmiş Şengen vizası ilə ruslara girişi qadağan edə bilər. Estoniyanın Baş naziri Kaya Kallas rus turistlərin ölkənin təhlükəsizliyinə təhdid yaratdığını deyib.

Azpost.info

Əvvəlki məqalə

“Liz Tras Baş nazir olsa, Çini London üçün təhlükə elan edəcək”

Sonrakı məqalə

DTX-nın mətbuat katibi nazirlikdə müşavir təyin olunub