Britaniya şahzadəsi Uilyamın Kral Hərbi Hava Qüvvələrində xidmət edərkən uçduğu helikopter otelə çevrilib. İngilis iş adamı Ben Stounhausun ideyası əsasında qurulan helikopter-otelin bir günlük icarəsi 190 dollardır.
Azpost.info xəbər verir ki, bu barədə “The New York Post” yazıb.
Helikopterdə metal oturacaqlar ikinəfərlik çarpayı ilə əvəz olunub. Əsas hissədə uşaqlar üçün ikiqat çarpayıya çevrilə bilən qarderoblar və masalar var.
Ben Stounhaus ideyasını reallaşdırmaq üçün sarı rəngdə üç helikopterə sahib olub. Onlardan birində, 2010-cu ildən 2013-cü ilə qədər Şahzadə Uilyam Uelsdə yerləşən axtarış-xilasetmə qrupunun tərkibində 156 uçuş həyata keçirib.
İş adamı hər bir helikopterin təmirinə və içərisinin dizaynına 250 min dollar xərcləyib. İndi onlardan ikisi “Pinewood Park” düşərgəsində yerləşir, üçüncüsü isə sahil kafesi kimi xidmət göstərir.
Bir helikopterdə iki böyük və üç uşaq yerləşə bilər.
Azpost.info
