“Demokratlar Partiyası qarşıdan gələn seçkilərdə hazırkı prezident Co Baydeni başqa namizədlə əvəz edə bilər”.
Azpost.info bildirir ki, bu barədə ABŞ üzrə araşdırmaçı, politoloq Dmitri Drobnitski Lenta.ru-ya müsahibəsində bildirib. O, mümkün namizədlərin adlarını da açıqlayıb.
Politoloqun sözlərinə görə, demokratların Baydeni necə əvəz edəcəkləri ilə bağlı bir neçə variantı var.
Drobinskinin fikrincə, Baydenin ikinci müddətə namizədliyini irəli sürməsi heç nə demək deyil. Bu qərar ləğv edilə bilər: “O, istənilən vaxt deyə bilər ki, məsələn, mən həkimlə danışdım, o mənə evdə oturmağı məsləhət gördü. Beləcə namizədlik ləğv edilə bilər və gözlənilmədən başqa bir namizəd irəli sürülə bilər”.
O, deyib ki, demokratların yeni namizəd seçmək üçün kifayət qədər vaxtları var. “Ən azı, bu ilin payızına qədər, maksimum 2024-cü ilin fevralına qədər praymerizlər keçiriləcək”.
Drobnitski bildirib ki, demokratların sırasında Barak Obama kimi parlaq senatorlar yoxdur. Ancaq Kaliforniyadan Kevin Neusom, Miçiqandan Qreten Uitmer kimi parlaq qubernatorlar var: “Variantlar var. Məsələ burasındadır ki, onların hamısı ağdərilidir. Bu isə çox da yaxşı deyil. Amma əslində liberalizmin qələbəsi naminə, bunu görməzdən gəlmək olar. Məsələn, Qreten Uimer ilk qadın prezident olacağını bəyan edə bilər. Yaxud Kevin Neusom idarəetmədə fərqli bir model olacağını bəyan edə bilər”.
Bununla belə, o hesab edir ki, demokrat partiyasının elitası kimin namizəd olacağı haqqında qərar verməsi üçün daxili didişmələri dayandırması lazımdır. “Məhz bu səbəbdən onların Baydendən başqa namizədi yoxdur”-deyə politoloq vurğulayıb.
Azpost.info
