Almaniya kansleri Olaf Şolts Ukrayna prezidenti Vladimir Zelenski ilə telefon danışığı aparıb.
Azpost.info xəbər verir ki, kansler Zelenski ilə Almaniya və Ukrayna arasında təhlükəsizlik tərəfdaşlığı sazişini müzakirə edib.
Şoltsun sözlərinə görə, hazırda sazişin bağlanması üçün intensiv hazırlıqlar gedir. O, konkret tarix açıqlamasa da, danışıqların son mərhələyə yaxınlaşdığını deyib.
Öz növbəsində Vladimir Zelenski kanslerlə Ukrayna və Almaniya arasında təhlükəsizlik zəmanətləri haqqında sazişin hazırlanmasını müzakirə etdiklərini bildirib. Ukrayna prezidenti həmçinin cari il üçün Ukraynaya müdafiə yardımını 8 milyard avroya çatdırdığına görə Olaf Şoltsa təşəkkür edib.
Azpost.info
