“ABŞ və NATO-ya üzv ölkələr Kiyevə Rusiya şəhərlərinə zərbə endirmək üçün silah ötürsələr, sərt cavab tədbirlərinə hazır olsunlar”.
Azpost.info xəbər verir ki, bunu Vyanada hərbi təhlükəsizlik və silahlara nəzarət məsələləri üzrə danışıqlarda Rusiya nümayəndə heyətinə rəhbərlik edən Konstantin Qavrilov bildirib.
“Əgər Vaşinqton və NATO ölkələri Rusiyanın mülki şəhərlərini vurmaq və konstitusiya ilə qorunan ərazilərimizi ələ keçirməyə cəhd etmək üçün Kiyevi silahla təmin etsələr, bu, Moskvanı sərt cavab tədbirləri görməyə məcbur edəcək. Sonra deməyin ki, biz xəbərdarlıq etməmişik”, – Qavrilov deyib.
Rusiyanın xarici işlər naziri Sergey Lavrov da daha əvvəl bəyan etmişdi ki, Ukraynaya təhvil veriləcək istənilən silah Rusiya üçün qanuni hədəfə çevriləcək.
Azpost.info
