Dünya musiqi sənayesi son on ildə görünməmiş transformasiya yaşayır. Əgər əvvəllər hit mahnıları radio və televiziya müəyyən edirdisə, indi əsas qərarverici qüvvə axın platformalarının alqoritmləridir.
Azpost.info bildirir ki, beynəlxalq statistikalara görə, 2025-ci ildə qlobal musiqi gəlirləri 31 milyard dolları keçib və bunun təxminən 70 faizi striminq xidmətlərinin payına düşüb.
Spotify təkcə ötən il müəlliflərə və musiqi şirkətlərinə rekord həcmdə – 11 milyard dollar royalti ödədiyini açıqlayıb.
Şou-biznes ekspertləri hesab edirlər ki, artıq uğurun əsas formulu təkcə keyfiyyətli musiqi deyil. Sosial şəbəkələrdə viral olmaq, qısa videolar və rəqəmsal marketinq kampaniyaları sənətçilərin taleyini müəyyən edir.
Reddit və peşəkar musiqi forumlarında aparılan müzakirələr göstərir ki, bir çox müstəqil ifaçı alqoritmlərdən asılılığı azaltmaq üçün fanatlarla birbaşa əlaqəyə – Discord, xəbər bülletenləri və xüsusi icmalara üstünlük verir.
Analitiklər hesab edirlər ki, qarşıdakı illərdə süni intellektlə yaradılan musiqilər bazarın bir hissəsini ələ keçirəcək. Bununla belə, canlı konsertlər və sənətçi-fanat əlaqəsi şou-biznesin ən dəyərli elementi olaraq qalacaq.
Sunay
