Ukrayna Prezidenti Vladimir Zelenski SSRİ dövrünün ukraynalı siyasi məhbuslarına müavinət verilməsi haqqında qanun imzalayıb.
Bu barədə Ukrayna Ali Radasının deputatı Yaroslav Jeleznyak məlumat verib.
Qanuna əsasən, müavinətin məbləği ayda 4200 Ukrayna qrivnası olacaq və sonrakı indeksasiyalar nəzərə alınacaq: “Prezident Zelenski 8032 saylı qanun layihəsini imzalayıb. Qanuna əsasən, SSRİ dövründəki siyasi məhbuslar Ukraynaya xüsusi xidmətlərə görə ödənişlər alacaqlar”.
Xatırladaq ki, haqqında sözügedən qanun Ali Rada (parlament) tərəfindən 30 mayda qəbul edilib. (APA)
