“İrəvanla Bakı arasında razılaşmalar o deməkdir ki, Moskva münaqişəyə təsir imkanlarını itirir”.
Azpost.info bildirir ki, bu sözləri Rusiyanın MDB üzrə tanınmış eksperti Arkadi Dubnov “Kommersant” qəzetinə açıqlamasında deyib.
Onun sözlərinə görə, iki ölkə nəhayət, təkbətək danışıqlar aparmağa çalışır. Bunu qymətləndirməmək düz olmazdı.
Dubnovun sözlərinə görə, bu razılaşma Rusiya sülhməramlılarının Qarabağdan çıxarılmasından bir-iki gün sonra baş verdi: “Sülhməramlıların çıxarılması Azərbaycanın görkəmli siyasi nailiyyətidir. Digər vacib məqam isə 1991-ci il Alma-Ata Bəyannaməsinin rəsmi başlanğıc nöqtəsi kimi tanınmasıdır”.
Dubnov hesab edir ki, Həm Ermənistan həm də Azərbaycan sülhdə maraqlıdırlar: “Razılaşmların gecikdirilməməsi bunu göstərir. Halbuki, gecikdirmələr bu münaqişəni dondurmaq istəyən Rusiya üçün xarakterik idi. İndi bu təsir imkanları zəifləyir”.
Ekspert bildirib ki, onda olan məlumata görə, Ermənistan sərhədə Avropa İttifaqının müşahidə misisyasını yerləşdirmək niyyətindədir.
Azpost.info
