“Azərbaycan və Ermənistan arasında yaxın gələcəkdə heç bir sülhün mümkün olmadığı haqqında rəy var. Hamı düşünür ki, 2025-ci ildə sülhməramlıların missiyası başa çatana qədər sülh əldə olunmayacaq”.
Azpost.info bildirir ki, bu sözləri “Çətin Sual” verilişində Qarabağ üzrə Britaniyalı ekspert Tomas De Vaal deyib.
Onun sözlərinə görə, buna görə yeni münaqişədən qaçmaq üçün Qarabağda sülhməramlı missiya davam etməlidir: “Amma heç kim Rusiyadan razı deyil, xüsusən də Ukraynadakı müharibədən sonra. Azərbaycanda da, Ermənistanda da Rusiyaya etimad çox azdır. Ola bilər ki, Qarabağın özündə bir qədər çox etimad var. Amma hesab edirəm ki, son ayın hadisələrindən sonra (ekoloji fəallar) Qarabağda da ruslara etimad səviyyəsi azalır”, deyə ekspert qeyd edib.
De Vaalın fikrincə, Paşinyanın KTMT ilə bağlı ifadələri onun bu təşkilat və ümumilikdə Rusiya üzrə xəttidir. Onun Ermənistanın KTMT-də iştirakı üçün perspektiv olmaması haqqında ifadələri bu versiyaya dəlalət edir: “Sirr deyil ki, baş nazir olmazdan əvvəl Paşinyan Ermənistanın Avrasiya İqtisadi Birliyində iştirakına qarşı çıxan nadir Ermənistan siyasətçilərindən biri idi. Deməli, bu, onun Rusiyaya qarşı şəxsi siyasətinin davamıdır”.
Ekspertin fikrincə, Rusiya, çox güman ki, Ermənistanın məcburi müttəfiqidir və Paşinyan daha geniş beynəlxalq münasibətlər spektrinə malik olmaq istərdi: “Bu mənada o, Fransaya, Avropa ölkələrinə, ABŞ-a böyük ümid bəsləyir. Amma, əlbəttə, real vəziyyət fərqlidir. Rusiya Ermənistanın və hazırda Qarabağ ermənilərinin təhlükəsizliyini təmin edən yeganə ölkədir”.
De Vaalın sözlərinə görə, BMT sülhməramlılarının Qarabağa yeridilməsi ideyası Qərbdə ekspertlər tərəfindən kifayət qədər geniş şəkildə müzakirə olunur.
Azpost.info
