21 iyul 2025-ci il tarixində Sumqayıt Gənclər Evində “Məişət zorakılığı ilə mübarizə” mövzusunda maarifləndirici təlim keçirilmişdir.
Tədbir Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə Qadın Təşəbbüsü və Sosial Problemlərin Həllinə Yardım İctimai Birliyi tərəfindən icra edilən “İnsan alveri və məişət zorakılığı qurbanları üçün sosial xidmətlərin təşkili” layihəsi çərçivəsində təşkil olunmuşdur.
Təlimdə Sumqayıt şəhərindən olan 30 nəfər fəal gənc iştirak etmiş, məişət zorakılığı anlayışı, onun hüquqi və sosial aspektləri, zorakılığın formaları və qarşısının alınması yolları haqqında ətraflı məlumat almışlar.
Təlimçi qismində çıxış edən Günel Ələkbərova iştirakçılarla interaktiv müzakirələr apararaq, mövzu ilə bağlı real vəziyyətlərə əsaslanan nümunələr və praktiki tövsiyələr təqdim etmişdir. Təlim zamanı gənclərin sualları cavablandırılmış, onların bu sahədə bilik və bacarıqlarının artırılmasına xüsusi önəm verilmişdir.
Tədbirin əsas məqsədi gənclərin məişət zorakılığına qarşı maarifləndirilməsi, onların bu sahədə məlumatlılıq səviyyəsinin artırılması və potensial qurbanların müdafiəsinə töhfə verməkdir.
