Səudiyyə Ərəbistanı ABŞ-la danışıqları bərpa edib

Səudiyyə Ərəbistanı Fələstin-İsrail münaqişəsinin gərginləşməsi səbəbindən fasilədən sonra ABŞ ilə müdafiə danışıqlarını davam etdirib.

Bu barədə “Bloomberg” məlumat yayıb.

“Səudiyyə Ərəbistanı daha sıx müdafiə əlaqələri qurmaq üçün ABŞ ilə danışıqları bərpa edib”, – deyə mənbələr bildiriblər.

Yanvarın əvvəlində Səudiyyə Ərəbistanının şimal-qərbindəki Əl-Ula kəndində vəliəhd şahzadə Məhəmməd bin Salmanla amerikalı senatorlar arasında danışıqlar aparılıb. Söhbət Səudiyyə Ərəbistanı ilə İsrail arasında müttəfiqliyin də daxil olacağı müdafiə paktı üzrə müzakirələrin bərpasından gedirdi.