Çexiya Xarici İşlər Nazirliyi (XİN) öz vətəndaşlarını Rusiyaya səfərdən çəkinməyə, bu ölkədə olanları isə oranı tərk etməyə çağırıb.
Azpost.info xəbər verir ki, bu barədə Çexiya XİN-in yaydığı bəyanatda deyilir.
Nazirliyin bəyanatında belə bir tədbirin Rusiya şəhərlərində təhlükəsizlik vəziyyətinin pisləşməsi səbəbindən zəruri olduğu vurğulanır: “Əgər siz artıq ölkədəsinizsə və xəbərdarlığa baxmayaraq, qalmaq qərarına gəlmisinizsə, həddindən artıq ehtiyatlı olun, təsdiqlənmiş məlumatları izləyin və təcili çıxış planı hazırlayın”.
XİN onu da xatırladıb ki, Rusiya ilə Aİ ölkələri arasında münasibətlərin gərginləşməsi səbəbindən Rusiyadakı Çexiya səfirliyinin fəaliyyəti məhdudlaşdırıla bilər.
Azpost.info
