“Taliban” Əfqanıstanın Cəlalabad şəhərini də ələ keçirdi

“Taliban” hərəkatı Nanqarxar əyalətinin Cəlalabad şəhərini tutublar.

Tacikistan mətbuatı xəbər verir ki, bununla da taliblər ölkənin 34 əyalətindən 24-nə nəzarət edirlər.

Məlumatda bildirilir ki, şəhər döyüşsüz taliblərə təhvil verilib. Dünən isə taliblər gün ərzində Şaran (mərkəzi Paktika), Asadabad (Kunar) və Qardez (Paktiya) əyalətlərini, Fəryab və Bəlx vilayətlərinin mərkəzləri Meymunə və mühüm əhəmiyyətə malik Məzari-Şərif şəhərlərini tutmuşdular.

Kabildən başqa Əfqanıstanın ən böyük şəhərləri artıq “Taliban” hərəkatının nazarətindədir.

Əfqanıstan insan hüquqları üzrə Komissiyasının məlumatına görə, son bir ayda taliblər 1200-dən artıq dinc sakini qətlə yetirib, 1 milyondan çox sakin evlərini tərk edib. Təxminən 20 milyon əfqanın humanitar yardıma ehtiyacı var.

Bir cavab yazın

Sizin e-poçt ünvanınız dərc edilməyəcəkdir.

Əvvəlki məqalə

“Azərbaycanda koronavirusun növbəti alovlanma dövrü başlayıb” –

Sonrakı məqalə

Silahlı şəxslər Şuşadakı mövqelərimizə qarşı təxribat törədib –