“Çinin raketatma təlimləri ilə əlaqədar Tayvan avqustun 4-də ən azı 40 uçuşu ləğv edib”.
Azpost.info xəbər verir ki, bu barədə “Associated Press” məlumat yayıb.
Məlumata görə, bu vəziyyət bütün dünya üzrə telekommunikasiya və avtomobil şirkətlərinin ehtiyac duyduğu Tayvan istehsalı olan prosessor çiplərinin təchizatında fasilələrin yaranması riskini artırır.
Tayvanlı sahibkarlarla bir sıra görüşlər keçirmiş iqtisadçı Alisia Garsia Herrero agentliyə bildirib ki, Tayvan şirkətləri indi xarici dünya ilə ticarətdə mümkün fasilələrə hazırlaşır: “Onlar vəziyyət aydınlaşana qədər sifarişləri yönləndirmək və ya gecikdirmək barədə düşünməyə başlayırlar. İnsanlar bunun sadəcə dörd günlük bir hadisə olmadığını başa düşürlər”.
Azpost.info
