Yay fəslinin populyar içkisi olan pivənin tez-tez içilməsi sağlamlığınıza və bədən formanıza zərər verə bilər.
Azpost.info bildirir ki, Rusiyalı həkim- endokrinoloq Zuhra Pavlovanın fikrincə, pivədən imtina etmək daha yaxşıdır.
Həkim pivənin daxili orqanlara zərər verdiyini, həm də piylənməyə səbəb olduğunu qeyd edib. Pavlovanın sözlərinə görə, bu içki testosteronun estrogenlərə çevrilməsini təşviq edən fermentlərə təsir göstərir. Nəticədə piy toxuması qadın tipində yenidən paylanır və kişilərin sinəsini böyüdür”.
Bundan əlavə, tez-tez pivə içmək ürək-damar, xərçəng və digər xəstəliklərin riskini artırır.
Pavlova hesab edir ki, bu içkinin faydaları haqqında internetdə yayılan məlumatlar reklam hiyləsidir. Əslində pivə fast- fuddan daha tez piylənməyə gətirib çıxarır. “Mənim fikrimcə, pivənin faydaları haqqında xəbərlər içki istehsalçıları tərəfindən sifariş edilir” -deyə Pavlova vurğulayıb.
