Xilasedicilər tərəfindən aşkarlanan sualtı qayığın qalıqları göstərir ki, batiskafda partlayış baş verib.
Azpost.info bildirir ki, bu barədə ABŞ Sahil Mühafizəsinin nümayəndələri məlumat verib.
Sahil Mühafizəsinin sözçüsü, kontr-admiral Con Mauger bildirib ki, cümə axşamı pilotsuz dərin dəniz sualtı gəmisi batmış “Titanik” gəmisinin burnundan təxminən 500 metr liyində batiskafın quyruq hissəsini görüb. Daha sonra digər fraqmentlər tapılıb.
Mütəxəssislər axtarış-xilasetmə əməliyyatı iştirakçılarının tapdıqları sualtı qayığın qalıqlarına baxış keçiriblər. Onlar belə qənaətə gəliblər ki, partlayış böyük ehtimalla batiskafın içərisində baş verib.
Moskva Dövlət Universitetinin Coğrafiya fakültəsinin okeanologiya kafedrasının baş müəllimi Sergey Muxametov deyib ki, əgər hissələr tapılarsa, deməli batiskaf dağılıb və orada olan insanlar həmin an ölüblər.
Mütəxəssis əmin olduğunu bildirib ki, turistləri xilas etmək mümkün deyil, çünki onlar batiskaf suya enən günü həlak olublar.
Rusiya EA Okeanologiya İnstitutunun laboratoriya rəhbəri Anatoli Saqaleviç qeyd edib ki, batiskafın içindəki insanlar suya endikdən sonra sağ olsaydılar onlar əlaqə saxlayacaqdılar.
Azpost.info
