ABŞ-ın keçmiş prezidenti Donald Tramp seçkidəki əsas rəqibinin kim olduğunu açıqlayıb.
Azpost.info xəbər verir ki, Ağ Evin keçmiş rəhbəri prezidentlik uğrunda mübarizədə əsas rəqib kimi Florida qubernatoru Ron Desantisi gördüyünü deyib.
Tramp deyib ki, 2018-ci ildə qubernator seçkilərində Desantisi dəstəklədiyinə görə çox təəssüflənir.
“Nə olacağını heç vaxt bilmirsən. Vəziyyət dəyişə bilir”, – Tramp jurnalistlərin Desantislə bağlı sualına cavab verib.
ABŞ prezidenti postuna iddiaçılar arasında keçmiş vitse-prezident Mayk Pens, ölkənin BMT-dəki keçmiş səfiri və Cənubi Karolinanın keçmiş qubernatoru Nikki Heyli, vitse-prezident Kamala Harris, nəqliyyat naziri Pit Butticiç, Kaliforniya qubernatoru Qevin Nyusom da var. Onlar 2024-cü ildə keçiriləcək prezident seçkilərində namizədliyini irəli sürəcəklər. Bundan başqa, ABŞ-ın hazırkı prezidenti Co Bayden də namizəd ola bilər.
Azpost.info
