ABŞ prezidentliyinə namizəd Donald Trampa qarşı növbəti sui-qəsd cəhdi olub.
Bu barədə Nümayəndələr Palatasının respublikaçı üzvü Marcori Teylor-Qrin məlumat verib.
“Tramp növbəti sui-qəsd cəhdindən sonra sağ-salamatdır. Onu öldürməyə çalışırlar. Qalib gəlməsinə mane olmaq üçün hər şeyi edəcəklər”, – deyə konqresmen X sosial hesabında qeyd edib.
“New York Post”un yaydığı məlumata görə Məxfi Xidmət Donald Tramp “West Palm Beach”də qolf klubundan çıxarkən onun yaxınlığında baş verən atışmaya cavab verib.
Trampın qərargahı onun yaxınlığında atəş açıldığını, siyasətçinin özünün isə təhlükəsiz olduğunu bildirib.
Məxfi Xidmət “X” sosial şəbəkəsində bildirib ki, onlar Palm Beach County Şerif Ofisi ilə Trampla bağlı təhlükəsizlik insidentini araşdırmaq üçün işləyirlər. Məxfi Xidmət hadisənin ABŞ vaxtı ilə saat 14:00-a yaxın baş verdiyini bildirib.
