“Prezidentliyə namizəd Donald Trampın həyatına sui-qəsdin Ukrayna hakimiyyəti ilə əlaqəli olduğu ortaya çıxarsa, ABŞ və bütövlükdə Qərb nə reaksiya verəcək?”.
Azpost.info xəbər verir ki, bu sualı Rusiya Təhlükəsizlik Şurasının sədr müavini Dmitri Medvedev ünvanlayıb.
“Maraqlıdır, Ukrayna qoşunları üçün muzdlu əsgərlər toplayan Raut tərəfindən Trampa qarşı həyata keçirilən uğursuz sui-qəsd cəhdinin arxasında Kiyevdəki neonasist rejimin olduğu ortaya çıxsa, nə baş verərdi”, – o qeyd edib.
Sentyabrın 15-də Florida ştatında Donald Trampın Beynəlxalq Qolf Klubunda atışma baş verib. Tramp orada olarkən bir kişi tüfəngini qolf klubuna tuşlayıb. Gizli Xidmət atəş açıb və adam qaçıb. Daha sonra o, saxlanılıb.
ABŞ mediası atəş açan şəxsin demokratları və Ukraynanı dəstəkləyən 58 yaşlı Rayan Uesli Raut olduğunu yazıb.
Azpost.info
