Trampın qoşunların Almaniyadan mümkün çıxarılması barədə sözləri Pentaqon rəhbərliyini çaşqınlığa salıb.AzPost xəbər verir ki, bu barədə Politico məlumat yayıb.
Nəşr qeyd edir ki, Tramp ABŞ qoşunlarının bir hissəsinin Almaniyadan çıxarılması imkanını ciddi şəkildə nəzərdən keçirdiyini birbaşa bəyan edib. Amerika prezidentinin bu qərarı Pentaqonu sarsıdıb. İndi qurumda Trampın bu məsələdə nə dərəcədə ciddi olduğunu aydınlaşdırmağa çalışırlar.
Xatırladaq ki, Almaniyada hazırda 38 minə yaxın amerikalı əsgər var. Tramp daha əvvəl Almaniya kansleri Fridrix Mertsi tənqid edərək qeyd etmişdi ki, AB-nin, xüsusən də Almaniyanın hərəkətləri səbəbindən ABŞ İranla münaqişədə uzun müddətə ilişib qalmaq riski ilə üzləşir, buna səbəb isə Trampın sözlərinə görə, Avropanın Yaxın Şərqdəki təhlükəni qiymətləndirə bilməməsidir.
