Rusiya prezidenti Vladimir Putinin yaxın dostu Yevgeni Priqojin rəhbəri olduğu “Vaqner” hərbi şirkətinə qarşı Avropa İttifaqı və ABŞ-ın sanksiyalarına tüpürdüyünü deyib.
Azpost.info xəbər verir ki, Priqojin bildirib ki, informasiya texnologiyalarının inkişaf etdiyi bir dövrdə bu məhdudiyyətlərın tətbiqi heç nəyə təsir etmir.
“Mənə, “Vaqner”ə, eləcə də Rusiyanın hüquqi və fiziki şəxslərinə qarşı hər hansı sanksiyaları və məhdudiyyətləri tamamilə qanunsuz hesab edirəm. Onlara tüpürmüşəm, tüpürürəm və istənilən sanksiyalara tüpürəcəyəm”, – Priqojin əlavə edib.
Qeyd edək ki, Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi ABŞ Maliyyə Nazirliyinin “Vaqner”i transmilli cinayət təşkilatı kimi tanıdığını bildirib. Kirbi əlavə edib ki, qrupa qarşı yeni sanksiyalar tətbiq olunacaq və müxtəlif qitələrdə onun işinə töhfə verən şirkətlər də məhdudiyyətlərə məruz qalacaqlar.
Azpost.info
