Türk Dövlətləri Təşkilatının onuncu sammiti 2023-cü ildə Qazaxıstanda keçiriləcək.
Azpost.info xəbər verir ki, bu barədə Qazaxıstan prezidentinin mətbuat xidməti məlumat yayıb.
“Dövlət başçısı Kasım-Jomart Tokayev bildirib ki, təşkilatın katibliyinin qarşısında bu ilin oktyabrında Səmərqənddə keçirilən sammitdə qəbul edilmiş prioritetləri və təşəbbüsləri səmərəli həyata keçirmək vəzifəsi dayanır. Türk Dövlətləri Təşkilatı 2009-cu ildə yaradılıb. Növbəti, onuncu – yubiley sammiti 2023-cü ildə Qazaxıstanda keçiriləcək”, – məlumatda bildirilir.
Məlumata görə, Qazaxıstan prezidenti Kubanıbek Omurəliyevi Türk Dövlətləri Təşkilatının baş katibi vəzifəsinə təyin olunması münasibətilə təbrik edib: “Kasım-Jomart Tokayev deyib ki, Qazaxıstan təşkilatın yaradıcılarından biri kimi türk dövlətləri ilə çoxtərəfli əməkdaşlığın inkişaf etdirilməsində maraqlıdır və katibliyin işinə maksimum dəstək verəcək”.
Azpost.info