Skip to content
cropped-cropped-logo.png

Analitik İnternet Portalı

Primary Menu
  • Siyasət
  • Dünya
  • Müsahibə
  • İqtisadiyyat
  • Araşdırma
  • Gündəm
  • İdman
  • Media
  • Şou Biznes
  • Sosial
  • Redaksiya Siyasəti
Light/Dark Button
  • Sosial

Türk dünyasının gələcəyi Manisada müzakirə olundu

User 28 İyul 2025 - 10:50 (Last updated: 29 İyul 2025 - 13:20)
manisa

Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin 2025-ci il üçün orta qrant müsabiqəsinin qalibi olan “Orta Asiya və Güney Qafqaz Söz Azadlığı Şəbəkəsi” İctimai Birliyi (CASCFEN) “Türk dünyası: ortaq mirasdan ortaq gələcəyə doğru” adlı layihənin icrasını uğurla davam etdirir.

Layihə çərçivəsində bir sıra işlər görülüb, həmçinin qardaş Türkiyənin Manisa şəhərində “Bizim ailəmiz Türk dünyasıdır” adlı dəyirmi masa keçirilib.

Tədbir zamanı

Tədbir zamanı

İctimai Birlikdən verilən məlumata görə, dəyirmi masa maraqlı çıxışlar, türk dünyasının gələcəyi ilə bağlı təklif və fikirlərin səsləndirilməsi ilə yadda qalıb.

Məlumatda deyilir ki, dəyirmi masa QHT-lərə Dövlət Dəstəyi Agentliyinin maliyyə dəstəyi, CASCFEN-nin və Manisa Azərbaycan Mədəniyyət və Həmərylik Dərnəyinin təşkilatçılığı ilə Yunusemre Bələdiyyəsinin İrfan Məclisində reallaşıb. Yunusemre Bələdiyyəsi, Türkiyə Dil və Ədəbiyyat Dərnəyinin Manisa şöbəsi, Türk Ocaqları Manisa şöbəsi və Manisa Jurnalist və Yazıçılar Cəmiyyətinin də yaxından iştirak etdiyi dəyirmi masada Azərbaycandan olan qonaqlar, Türkiyənin müxtəlif şəhərlərindən diaspor təmsilçiləri, o cümlədən Manisadan akademiklər, ictimai xadimlər, QHT təmsilçiləri, gənclər, siyasi partiya nümayəndələri və yerli idarəetmə orqanlarının üzvləri iştirak ediblər.

Şentürk Hoşgül: Türk dünyasına könül vermiş bir çox sahənin təmsilçilərini aramızda görmək sevindiricidir

Türk dünyası şəhidlərinin xatirəsinin yad edilməsi ilə başlayan dəyirmi masada salamlama çıxışı edən Manisa Azərbaycan Mədəniyyət və Həmərylik Dərnəyinin sədri Şentürk Hoşgül proqramın ilk mərhələsinin KKTC-də keçirildiyini, ikinci mərhələyə isə Manisanın ev sahibliyi etməsindən qürur duyduqlarını bildirib.

Şentürk Hoşgül

Şentürk Hoşgül

Ş.Hoşgül “Aramızda çox sayda akademik, ictimai rəy lideri, QHT təmsilçisi, gənclər, partiya nümayəndələri və yerli idarəetmələrin nümayəndələri var. Qısacası, türk dünyasına könül vermiş bir çox sahənin təmsilçilərini aramızda görmək sevindiricidir,” – deyə qeyd edib.

Nadir İsmayılov: Şəhzadələr şəhəri Manisada türk dünyasının gələcəyini müzakirə etmək böyük mənəvi dəyərə sahibdir

Layihə rəhbəri, CASCFEN İctimai Birliyinin sədri Nadir İsmayılov isə Şəhzadələr şəhəri Manisada türk dünyasının gələcəyini müzakirə etməyin böyük mənəvi dəyərə sahib olduğunu vurğulayıb.

Nadir İsmayılov

Nadir İsmayılov

O, ortaq mirasın gələcəyin təminatı olan gənclərə ötürülməsi üçün bu kimi təşəbbüslərin davam etdiriləcəyini bildirib və Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinə verdiyi dəstəyə görə təşəkkürünü çatdırıb.

Müzaffer Yurttaş: Ortaq kimliyi və mədəniyyəti gələcəyə daşıyan əsas ünsür olan dilin qorunmasının vacibdir

Daha sonra məruzələr dinlənilib. Əsas məruzə ilə çıxış edən Türkiyə Dil və Ədəbiyyat Dərnəyinin Manisa şöbəsinin sədri, TBMM-in 24-cü dönəm millət vəkili Müzafer Yurttaş çıxışında türk dilinin əhəmiyyətindən bəhs edib.

Müzaffer Yurttaş

Müzaffer Yurttaş

M.Yurttaş, ortaq kimliyi və mədəniyyəti gələcəyə daşıyan əsas ünsür olan dilin qorunmasının vacibliyini xüsusi olaraq qeyd edib.

O, “bu gün burada “Türk dünyası: ortaq mirasdan ortaq gələcəyə doğru” layihəsi çərçivəsində qəlblərimizi birləşdirən çox özəl bir başlıq altında toplaşmışıq. “Ailəmiz türk dünyasıdır.” Bu ifadə təkcə bir şüar deyil, min illərlə formalaşmış ortaq tariximizin, mədəniyyətimizin, dilimizin və taleyimizin birgə təcəssümüdür” deyib.

Çıxışlar zamanı

Çıxışlar zamanı

Manisa Türk Ocaqları şöbə sədri professor Dr. Zafer Atar da tədbirin təşkilində əməyi keçənlərə təşəkkürünü bildirib. Dr.Z. Atar, türk dünyası ilə bağlı layihələrə akademik töhfə verməkdən məmnun olacaqlarını ifadə edib.

CASCFEN-nin müvafiq layihəsi üzrə mütəxəssis Vəsilə Əkbərova isə çıxışında layihə çərçivəsində görülən işlər barədə ətraflı məlumat verib.

Çıxışlar zamanı

Çıxışlar zamanı

Qeyd olunub ki, layihə çərçivəsində hazırlanan məqalələrdə türk dünyasının ortaq mirası barədə geniş məlumatların çatdırılmasına üstünlük verilib: “Bu məqalələrin mütləq əksəriyyətində biz həm də Qərbi Azərbaycan amilini qeyd etmişik. Çünki Qərbi Azərbaycan türk dünyasının ayrılmaz bir parçasıdır”.

İsmail Aydın: Bu, türk dünyasının inteqrasiyası istiqamətində atılan addımlara daha bir dəstək olacaq

Manisa Jurnalistlər və Yazarlar Cəmiyyətinin (Manisa Gazeteciler ve Yazarlar Cemiyeti) sədri İsmail Aydın isə bu cür tədbirlərin eyni zamanda qardaş ölkələrin müxtəlif qurumları arasında əlaqələrin qurulmasına da vəsilə olduğunu deyib.

İsmail Aydın

İsmail Aydın

O, “Bildiyiniz kimi bu gün Manisa Jurnalistlər və Yazarlar Cəmiyyəti ilə “Orta Asiya və Cənubi Qafqaz Söz Azadlığı Şəbəkəsi” İctimai Birliyi arasında qarşılıqlı əməkdaşlıq protokolu imzalandı. Hesab edirəm ki, bu əməkdaşlıq protokolu ilə əlaqələr daha da inkişaf etdiriləcək. Bu eyni zamanda türk dünyasının inteqrasiyası istiqamətində atılan addımlara daha bir dəstək olacaq” deyib.

Gənclik keçmişimizə sahib çıxır və gələcəyə inamla addımlayır

Dəyirmi masada o da bildirildi ki, CASCFEN bu layihə çərçivəsində həm də türk dünyasının tələbələri arasında məqalə müsabiqəsi keçirir. Bu müsabiqədə Manisada ali təhsil alan, yaxud yaşayan gənclər də fəal şəkildə iştirak edir. Onlardan bir neçəsi dəyirmi masada da iştriak edirlər.

Tədbirdən xatirə fotosu

Tədbirdən xatirə fotosu

Daha sonra söz alan gənclər layihəni yüksək dəyərləndiriblər. Çıxışlarda belə bir fikir ifadə edilib ki, gənclik keçmişimizə sahib çıxır və gələcəyə inamla addımlayır.

İstanbuldan və Bakıdan təbriklər

Sonra söz alan Türkiyə-Azərbaycan Dərnəkləri Federasiyasının (TADDEF) sədr müavini Eşrəf Tuna layihənin mühüm əhəmiyyət kəsb etdiyini deyib. O, həmçinin bu cür layihələrin gələcəkdə də davam etməsinin vacibliyini önə çəkib.

Eşref Tuna

Eşref Tuna

Eşrəf Tuna həmçinin TADEF sədri Adalet Turanın dəyirmi masa iştirakçılarına təbrik məktubunu oxuyub. Məktubda Adalet Turan türk dünyasına dair təşkil olunan bu tədbirə qatılan hər kəsə təşəkkürlərini bildirərək, bu cür təşəbbüsləri daim dəstəkləyəcəklərini vurğulayıb.

Plaketlərin təqdimatı

Plaketlərin təqdimatı

Təbrikdə vurğulanıb ki, “Bizim ailəmiz türk dünyasıdır” ifadəsi, əslində, hər birimizin qəlbindəki hissin tam ifadəsidir: “Bəli, biz böyük bir ailəyik – tarixin dərinliklərindən gələn, dili bir, dini bir, taleyi bir olan bir millətin övladlarıyıq. Bu şüurla hərəkət etdiyimiz müddətcə, türk dünyasının gücü artacaq, birliyimiz daim olacaqdır”.

Çıxışlar zamanı

Çıxışlar zamanı

Azərbaycan Respublikası Milli Məclisinin İctimai birliklər və dini qurumlar komitəsinin sədri Fazil Mustafanın təbrik məktubu isə Nadir İsmayılov tərəfindən səsləndirilib. Mustafa məktubunda “Qardaş xalqlarımızın ortaq tarixi, dili, sivilizasiyası və mənəvi kimliyi bizi bir-birimizə daha sıx bağlayacaq və bu bağların gələcək nəsillərə ötürülməsi bizim ən böyük vəzifəmizdir,” – deyə qeyd edərək, təşkilat komitəsinə təşəkkürünü ifadə edib.

 

Manisada Qərbi Azərbaycan rüzgarı

Sonda bir məqamı xüsusilə qeyd etmək yerinə düşər. Öz fəaliyyətində türk dünyasına xidməti əsas tutan CASCFEN bu istiqamətdə davamlı addımlar atmaqda, hər bir layihənin icrası zamanı əlavə işlər də görməkdədir. Bu dəfə də ənənəyə sadiq qalınıb. Belə ki, cənab Prezident İlham Əliyevin Qərbi Azərbaycanla bağlı həqiqətlərin bütün dünyaya çatdırılması istiqamətindəki siyasətinə dəstək olaraq CASCFEN də müvafiq addımlar atır.

Qərbi Azərbaycan masası

Qərbi Azərbaycan masası

Məhz bundan irəli gələrək Manisadakı dəyirmi masa çərçivəsində CASCFEN-nin daxili imkanları hesabına Qərbi Azərbaycan masası açılıb. Tədbirin sonunda CASCFEN-nin müvafiq layihəsi üzrə mütəxəssis Vəsilə Əkbərovanın hazırladığı Qərbi Azərbaycana xas olan süfrə təamları gələn qonaqlara təqdim edilib.

Tədbir xatirə fotosunun çəkilməsi və plaketlərin təqdimatı ilə sona çatıb.

Xatirə fotosu

AzPost.az

Post navigation

Previous: Avqustun 1-dən Rusiyada WhatsApp və VPN bloklanır?
Next: Brus Uillis danışa bilmir? –

Oxşar xəbərlər

kulek
  • Sosial

Küləkli hava şəraiti ilə bağlı sarı xəbərdarlıq verilib

User 21 Noyabr 2026 - 16:58
su polisi
  • Sosial

Qızılağac qoruğunda balıq tutan şəxs saxlanılıb

User 21 Noyabr 2026 - 15:16
orxan hebs
  • Sosial

DİN həbs olunan vəkil Orxan Kəngərli və digərləri ilə bağlı görüntüləri yaydı

User 21 Noyabr 2026 - 13:07

xƏBƏR

kulek
  • Sosial

Küləkli hava şəraiti ilə bağlı sarı xəbərdarlıq verilib

User 21 Noyabr 2026 - 16:58
Noyabrın 22-də bəzi bölgələrdə gözlənilən küləkli hava şəraiti ilə bağlı sarı xəbərdarlıq verilib. Bu barədə Milli Hidrometeorologiya...
Read more about Küləkli hava şəraiti ilə bağlı sarı xəbərdarlıq verilib
Qızılağac qoruğunda balıq tutan şəxs saxlanılıb su polisi
  • Sosial

Qızılağac qoruğunda balıq tutan şəxs saxlanılıb

User 21 Noyabr 2026 - 15:16
Hanoyda İlham Əliyevin və Mehriban Əliyevanın şərəfinə rəsmi nahar verilib ilham xanim vyetnam
  • Siyasət

Hanoyda İlham Əliyevin və Mehriban Əliyevanın şərəfinə rəsmi nahar verilib

User 21 Noyabr 2026 - 15:10
“Sabah TRIPP proqramının başlanmasını rəsmən elan edəcəyik” – Paşinyan pasinyan01
  • Dünya

“Sabah TRIPP proqramının başlanmasını rəsmən elan edəcəyik” – Paşinyan

User 21 Noyabr 2026 - 15:08
Putin ukraynalı hərbçilərə çağırış etdi – “Bizim tərəfə keçin” putin kustirtisa01
  • Dünya

Putin ukraynalı hərbçilərə çağırış etdi – “Bizim tərəfə keçin”

User 21 Noyabr 2026 - 13:34
  • Haqqımızda
  • Əlaqə
Copyright © Bütün hüquqlar qorunur | ReviewNews by AF themes.