Türkiyə ilə İsveç arasında gərginlik– Ankara müdafiə nazirinin səfərini ləğv etdi

İsveç müdafiə naziri Pol Yonsonun yanvarın 27-də Türkiyəyə planlaşdırılan səfəri ev sahibi ölkənin imtinası səbəbindən baş tutmayacaq.

Azpost.info xəbər verir ki, bu barədə Türkiyənin müdafiə naziri Hulusi Akar bildirib.

Akar səfərin ləğvini Stokholmda Türkiyə əleyhinə nümayişlərlə izah edib.

“Təəssüf hissi ilə müşahidə edirik ki, bu çirkin əməllər nəticəsində prezidentimizə və Türkiyəyə qarşı heç bir tədbir görülmədi. Ona görə də hazırda İsveç müdafiə naziri Yonsonun yanvarın 27-də Türkiyəyə səfərinin əhəmiyyəti və mənası artıq yoxdur”, – Akar bildirib.

O xatırladıb ki, Türkiyənin yeganə tələbi İsveç və Finlandiyanın imzalanmış memorandum üzrə öhdəliklərini yerinə yetirməsidir.

Türkiyə İsveç və Finlandiyaya terrorçu hesab etdiyi şəxslərin (PKK fəalları) siyahısını təqdim etsə də, onlar hələ də Ankaraya təhvil verilməyib.

Yanvarın 15-də Türkiyə prezidenti Rəcəb Tayyib Ərdoğan bildirib ki, İsveç və Finlandiya 130-a yaxın terrorçunu Ankaraya təhvil verməkdən imtina edib. Ərdoğan Türkiyənin Skandinaviya ölkələrinin NATO-ya üzv olmaq ərizələrini ratifikasiya etməkdən imtina etməsini bununla izah edib.

Azpost.info

Əvvəlki məqalə

Sanksiyalardan sonra Rusiyada ən çox bahalaşan mal və xidmətlər

Sonrakı məqalə

Minimum əmək pensiyası 280 manata qaldırılır