Ankara İsrail-Fələstin gərginliyinin tərəfləri üçün qarant sisteminin yaradılması ideyasını irəli sürüb.
Azpost.info bildirir ki, bu barədə “Star” qəzeti Türkiyənin xarici işlər naziri Hakan Fidanın bəyanatına istinadən yazır.
“Xarici işlər naziri Fidan bildirib ki, tərəflərin İsrail-Fələstin problemində davamlı sülhün təminatçısı olacağı bir sistemin yaradılması ideyası irəli sürülüb”, – mənbə bildirib.
Eyni zamanda, mümkün qarant ölkələr və bu təklifin kimə ünvanlandığı göstərilmir.
Bundan əvvəl Fələstinin Rusiyadakı səfiri Əbdül Hafiz Nofəl bildirmişdi ki, hazırda Fələstin hakimiyyəti İsraillə danışıqlar üçün heç bir imkan görmür. Diplomatın sözlərinə görə, danışıqlar prosesinə başlamaq üçün hərbi əməliyyatları dayandırmaq lazımdır. Bundan əlavə, o qeyd edib ki, münaqişə səbəbindən qurbanların sayı artmaqda davam edir.
Azpost.info
