“Ukrayna ərazilərinin bir hissəsini Rusiya ərazisi kimi tanıması müqabilində NATO-ya üzv ola bilər”.
Azpost.info bildirir ki, bu sözləri NATO Baş katibinin şəxsi ofisinin direktoru Stian Yensen Norveçin “VG” nəşrinə açıqlamasında deyib.
“Düşünürəm ki, həll yolu Ukraynanın ərazilərdən imtina etməsi əvəzində NATO-ya üzv olması ola bilər”, – deyə Yensen Ukrayna münaqişəsinə son qoyulması məsələsinin yolları barədə danışarkən deyib.
VG müxbirinin “NATO Ukraynanın “Rusiya ilə sülh əldə etmək və alyansa üzv olmaq üçün torpaqlarını verməli olduğunu düşünür?” sualına Yensen belə cavab verib: “Mən demirəm ki, belə olmalıdır. Amma bu, mümkün həll yolu ola bilər”.
Kiyev NATO-ya sürətləndirilmiş şəkildə daxil olmaq üçün ötən ilin sentyabrında müraciət edib. İndiyə qədər heç bir irəliləyiş əldə etməyib.
Azpost.info
