“Ukrayna münaqişəsi dünya nizamının zəifliyini və BMT Təhlükəsizlik Şurasının fəaliyyətindəki çatışmazlıqları üzə çıxardı”.
Azpost.info xəbər verir ki, bunu Yaponiyanın Baş naziri Fumio Kişida parlamentdə çıxışı zamanı bildirib.
Baş nazirin fikrincə, təşkilat çağırışlara tab gətirə bilməyib: “Dünya nizamının zəif olduğu üzə çıxdı. Bəzi ölkələr bu fürsətdən Rusiya ilə əlaqələrini gücləndirmək, enerji və digər sahələrdə fayda əldə etmək, həmçinin nüvə raketlərinin inkişafını təşviq etmək üçün istifadə etdilər”.
Kişida onu da qeyd edib ki, Moskva və Tokio arasında münasibətlərdə Rusiyanın Ukraynaya təcavüzü səbəbindən çətin vəziyyət yaranıb: “Rusiya və Yaponiya uzun illər İkinci Dünya müharibəsinin nəticələrinə görə Kuril adalarına sahiblik məsələsi ilə bağlı sülh müqaviləsi bağlaya bilmirlər. Yaponiya tərəfi hesab edir ki, üç ada olan İturup, Şikotan, Kunaşir və Habomai adalar qrupuna sahibdir. Moskva bu əraziləri özünün ərazisi hesab edir və hətta ərazi mübahisəsi faktını belə tanımır”.
Kişida əlavə edib ki, Yaponiya ərazi probleminin həlli və sülh müqaviləsi bağlamaq siyasətinə sadiq qalmağa davam edəcək.
Azpost.info
