Ukrayna Silahlı Qüvvələrinin Rusiyanın Belqorod vilayətinin Valuyski şəhərini atəşə tutması nəticəsində 7 nəfər yaralanıb.
Azpost.info TASS-a istinadən bildirir ki, bu barədə qubernator Vyaçeslav Qladkov Telegram kanalında məlumat verib.
“Ukrayna Silahlı Qüvvələrinin atəşi nəticəsində 7 nəfər yaralanıb, onlardan birinin körpücük sümüyü sınıb. Bir kişi də qapalı kəllə-beyin travması alıb. Zərərçəkənlərin hamısının vəziyyəti orta ağırdır. Təcili yardım maşınları onları Mərkəzi Rayon Xəstəxanasına çatdırıb”, – deyə rayon rəhbəri bildirib.
Qubernatorun sözlərinə görə, daha iki nəfər təkbaşına tibbi yardıma müraciət edib – onların yüngül qəlpə yaraları var. “Bütün lazımi tibbi yardım göstərilir”, – Qladkov əlavə edib.
Beş yaşayış binasında və dörd fərdi təsərrüfatda dağıntılar var. Təsərrüfatlardan birində yardımçı tikili yanır. Əməliyyat xidmətləri yerindədir.
Azpost.info
