Rusiyanın Ukraynaya genişmiqyaslı müdaxiləsi başlayandan bəri Rusiya Silahlı Qüvvələrinin ən azı 118 139 hərbçisi həlak olub.
AzPost bildirir ki, bu barədə “Mediazona” birlikdə ölənlərin hesabını aparan BBC -nin Rus Xidməti xəbər verir.
Hesabata əsasən o cümlədən 28 ölkədən 523 əcnəbi həlak olub.
Söhbət müqavilə imzalanan zaman Rusiya vətəndaşlığı olmayan və açıq məlumatlar əsasında ölümləri təsdiqlənən əcnəbilərdən gedir. Xarici vətəndaşlar arasında itkilərin faktiki rəqəmlərinin daha çox olduğu qeyd edilir.
Öldürülən əcnəbilər arasında ən çox Tacikistan vətəndaşları – 72 nəfər, Nepal – 70, Özbəkistan – 66 nəfərdir. Jurnalistlərin məlumatına görə, Tacikistan və Özbəkistandan öldürülənlərin yarıdan çoxu Rusiya həbsxanalarından cəbhəyə gedənlərdir.
Ölənlərin sayına görə Gürcüstan dördüncü yerdədir – 63 nəfər. Onların demək olar ki, hamısı tanınmamış Cənubi Osetiya və Abxaziyanın sakinləridir. Beşinci yerdə 54 ölümlə Ukraynadır. İnsanların sayı hesablanarkən yalnız tammiqyaslı müharibə başlamazdan əvvəl Ukraynanın nəzarətində olan ərazilərdə qeydiyyatda olanlar nəzərə alınıb. Onların əksəriyyəti cəzaçəkmə koloniyalarından müharibəyə cəlb edilmişdilər.
“Rusiya tərəfində döyüşən Ukraynanın Krım, Donetsk, Luqansk, Xerson və Zaporojya vilayətlərinin sakinləri ayrıca hesablanır və onların itkiləri xülasədə əksini tapmır”-, deyə BBC -nin Rus Xidməti qeyd edib.
Bundan əlavə, Ukraynaya qarşı müharibədə Rusiyanın tərəfində Efiopiya, Zambiya, Mərkəzi Afrika Respublikası, Tanzaniya, Toqo və ABŞ vətəndaşlarının döyüşdüyü qeyd edilir.
