“Berlin Rusiyanın təcavüzü fonunda Ukraynaya təhlükəsizlik zəmanəti verməyə hazırdır”.
Azpost.info xəbər verir ki, bunu Almaniya kansleri Olaf Şolts deyib.
Şolts bildirib ki, hazırda bu cür zəmanətlərin verilməsi proseduru G7 (Almaniya, ABŞ, Kanada, Yaponiya, Fransa, İtaliya və Böyük Britaniya) çərçivəsində müzakirə olunur.
Yeri gəlmişkən, iyunun 29-da G7 sammitindən sonra mətbuat konfransı zamanı Şolts Ukraynaya vəd edilən təhlükəsizlik zəmanətləri ilə bağlı suala birbaşa cavab verməkdən yayınmış, onun reaksiyası Almaniyada qalmaqala səbəb olmuşdu.
Belə ki, mətbuat konfransında jurnalist kanslerdən soruşub ki, o, Ukraynaya təhlükəsizlik zəmanətinin verilməsi ilə bağlı detalları dəqiqləşdirə bilərmi. Kansler gülümsəyərək “bilərəm” deyib və sözünə davam etməyib. “Bu qədər” o, qısa bir sükutdan sonra əlavə edib. Bu cavab jurnalistlərin və sosial şəbəkə istifadəçilərinin tənqidinə səbəb olub.
Azpost.info
