Vəfat etmiş əzizlərinə sıx şəkildə yas tutan insanlar onları itirdikdən sonra on il ərzində ölmək ehtimalı təxminən iki dəfə çoxdur.
AzPost bildirir ki, bu barədə “Frontiers in Public Health” jurnalında dərc olunmuş yeni araşdırmada deyilir. Araşdırmaya görə, itkidən sonrakı ilk illərdə davamlı olaraq kədərli qalanların əzizlərinin vəfatından sonrakı 10 il ərzində ölmə ehtimalı 88 faiz daha çoxdur.
Nəticələr göstərir ki, onların həmçinin danışıq terapiyası kimi psixi sağlamlıq xidməti almaq ehtimalı təxminən üç dəfə, antidepresanlar qəbul etmək ehtimalı beş dəfədən çox, isterik tutmalar əleyhinə pereparat qəbul etmək ehtimalı iki dəfə çoxdur.
Yeni araşdırma üçün tədqiqatçılar Danimarkada ən yaxınlarını itirmiş, orta yaş həddi 62 olan 1700-dən çox kişi və qadın arasında sorğu keçirib. Onların 66%-i həyat yoldaşını, 27%-i valideynini, 7%-i isə başqa bir yaxınını itirib. Tədqiqat iştirakçılarına sevdiklərini itirdikdən sonra ilk üç il ərzində onların kədər səviyyəsini qiymətləndirən sorğu vərəqəsi verilib.
Nəticələr göstərib ki, iştirakçıların təxminən 6%-nin yüksək səviyyəli kədəri zamanla yüksək olaraq qalır, 38%-də isə davamlı olaraq aşağı səviyyədədir. Digər 47% isə ilkin olaraq zamanla azalan ağır və ya orta dərəcədə kədər yaşayıb.
Tədqiqatçılar 10 il insanları izlədikdən sonra, şiddətli və davamlı kədəri olanların erkən ölmə ehtimalının daha yüksək olduğunu və bir növ psixi sağlamlıq qayğısına ehtiyacı olduğunu aşkar edilər.
