Azərbaycan Xalq Cəbhəsi Partiyasının və Milli Şuranın Koordinasiya Mərkəzinin üzvü Vahid Məhərrəmli partiyadan və Milli Şuradan istefa verib.
Azpost.info bildirir ki, o bu barədə açıqlama verib. “AXCP və Milli Şura üzvlüyündən istefa verirəm. Bu gündən sonra da baş verən ədalətsizliyə qarşı mübarizəmi davam etdirəcəm”-deyə V.Məhərrəmli yazıb.
Vahid Məhərrəmli Azərbaycanda kənd təsərrüfatı üzrə aparıcı ekspertlərdən biridir. 1989-cu ildə Leninqrad Kənd Təsərrüfatı İnstitutunu bitirib. Alim-aqronom ixtisasını alıb.
Vahid Məhərrəmov Rusiya Federasiyası, Pskov vilayəti, Pıtalov Rayon 19 Saylı Kənd Texniki Peşə Məktəbində direktor müavini, Azərbaycan Respublikası Şəmkir Rayon Aqrar Sənaye Birliyində böyük aqronom, Şəmkir Rayonu “İnqilab” Sovxozunun direktoru, Bakı Şəhəri “Qara Torpaq” konsalting MMM- də məsləhətçi, Kənd Təsərrüfatına Özəl Bölmənin İnkişafına Yardım Agentliyinin Gəncə Regional Mərkəzində özəl məsləhətçi, Bakı Şəhəri “Dağların Neməti” MMC-də məsləhətçi, İqtisadi Tədqiqatlar Mərkəzi, aqrar siyasət üzrə ekspert kimi işlərdə çalışıb.
Azpost.info
