“Vaşinqton öz xarici siyasət kursunu dəyişməsə, Çinlə ABŞ arasında münaqişə və qarşıdurma qaçılmazdır”.
Azpost.info xəbər verir ki, bunu Çinin xarici işlər naziri Tsin Qan bildirib.
Onun sözlərinə görə, ABŞ-ın hərəkətləri diplomatik böhrana gətirib çıxarıb.
XİN rəhbərinin fikrincə, Vaşinqton Pekini özünün əsas rəqibi və ən böyük geosiyasi problemi hesab etdiyi üçün ABŞ-ın Çinə münasibəti də buna uyğundur: “ABŞ iddia edir ki, Çinlə münaqişə yox, rəqabət aparmaq istəyir. Amma əslində ABŞ-ın sözdə rəqabəti hərtərəfli məhdudlaşdırma və təzyiqdir. Bu sıxışdırma ABŞ-ı qüdrətli etməyəcək”.
Tsin Qan Tayvanı Çin-ABŞ münasibətlərində “keçilməməsi lazım olan “qırmızı xətt” adlandırıb.
Nazir onu da qeyd edib ki, ABŞ-ın Hind-Sakit okean strategiyasının əsl məqsədi Çini cilovlamaqdır.
“Asiyada Ukrayna tipli böhran təkrarlanmamalıdır”, – nazir qeyd edib.
Azpost.info
