“Vaşinqton Moskvanın sülh istəyinə şübhə ilə yanaşır“.
AzPost bildirir ki, bu barədə ABŞ-ın BMT-dəki daimi nümayəndəsinin müavini Con Kelli deyib.
O, Putinin niyyətlərinə misal kimi Rusiyanın Kiyevə hücumunu göstərib: “Kiyevə hücumlar Rusiyanın dinc niyyətlərinin ciddiliyinə şübhələr yaradır. Mülki ərazilərə bu zərbələr dərhal dayandırılmalıdır”, – diplomat BMT Təhlükəsizlik Şurasının iclasında deyib.
Kellinin sözlərinə görə, müharibə davam edərsə, Rusiya ABŞ-ın sanksiyaları ilə üzləşəcək. Vaşinqton Moskvanı zorakılığa son qoymaq və müharibəni bitirmək üçün konstruktiv səylərə başlamaqla bu nəticələrdən qaçmağa çağırır.
Avqustun 28-nə keçən gecə Rusiya Kiyevə növbəti kütləvi zərbə endirib. Son məlumatlara görə, hücumda 25 nəfər həlak olub.
