Xarkovda yaralanan azərbaycanlı sürücü vəfat edib

Xarkov şəhərində yaralanan azərbaycanlı sürücülərdən biri Tahirov Samir Sürəddin oğlu bu gün vəfat edib.

Azərbaycan Beynəlxalq Avtomobil Daşıyıcıları Assosiasiyasının (ABADA) İctimaiyyətlə əlaqələr və marketinq şöbəsinin müdiri Ruslan Eldaroğlu bildirib. O qeyd edib ki, dünyasını dəyişən sürücünün nəşinin ölkəyə gətirilməsi istiqamətində aidiyyəti orqanlar tərəfindən tədbirlərə başlanılıb.

Digər yaralı Bayramov Yusif Asif oğlunun səhhəti isə normaldır.