Yaponiyada 7,2 bal gücündə zəlzələ olub

20 Mart 2021 - 14:02

Yaponiyanın şimal-şərqində 7,2 maqnitudalı zəlzələ olub, sunami təhlükəsi elan edilib.

Bu barədə Yaponiya Milli Meteorologiya İdarəsi məlumat yayıb.

Zəlzələnin ocağı Miyaqi əyalətinin sahilində, 60 km dərinlikdə yerləşib.

Meteoroloqlar Miyaqi əyalətində sahildə sunaminin hündürlüyünün 1 metrə çatacağını proqnozlaşdırır.

Mütəxəssislər hazırda zəlzələnin qəzalı Fukusima Atom Elektrik Stansiyasına təsir edib-etmədiyini araşdırır.

Dağıntı və tələfat barədə məlumat verilmir.

Qeyd edək ki, zəlzələ Fukusima, İbaraki, İvate, Saytamu və Tokioda hiss edilib.